‘n Mens kry darem mense wat mooi kan skryf. Fancy en grênd man! Halfpad deur hul letterkundige werke voel mens te skaam om op jou eie CV te skryf dat jy Afrikaans selfs net gedeeltelik magtig is. As mens eers verklarings van verklarings in die woordeboek moet soek, besef jy daar is groot moeilikheid met jou eie taalvaardighede. Maar onkunde was nog nooit ‘n verskoning nie en ‘n mens moet die heeltyd poog om jouself te verbeter. Ek het ‘n leemte in die mark gesien en dadelik die geleentheid aangegryp. Dit is dus met trots dat ek bekend stel:
“Jan Twak se fancy woordeboek vir Afrikaanse Amateurs”
Onder is ‘n paar uittreksels uit hierdie formidabele (die woord is in die boek) verklarende woordeboek. Die volledige werk kan op my webwerf onder die skakel “Jan se rekenaarherstelwerk-kletskamer en ander snuisterye” bestel word.
pragmaties – Stellenbosch studente wat mooi van aangesig is
hollisties – opwinding in gay gemeenskap
anarchisme – bekende LitNet blogger se nuwe kerkbeweging
eutopies – mans bo die ouderdom van 100 jaar
gemanifesteer – maagdelikheid ontneem
isomorf – groen smurfie
proponeer – posisie in Rugby wat slotte in agter stutte inneem
profaan – speletjie met dosent
toksikologie – studie van rugbytoks
tussenkaaks – diep in die moeilikheid
kalandery – ‘n rare seksuele obsessie met almanakke
kardiograaf – ‘n persoon wat karre se radios herstel
katalisator – nuwe speelding vir katte
katakombe – toestand van katte na speel met katalisator
postulaat – ‘n gereelde verskyning met SA se poswese
potamografie – die studie van potjiekos
kenosis – familiekenner
mitigasie – klein buikwindjie
dermatoloog – ou by slaghuis wat die wors stop
modaliteit – nuwerwetse horlosie
opmerkenswaardig – net hierdie persone se Matriekpunte word aangepas
korporativisme – die vang van vis met groot bote
argitektonies – fancy naam vir ‘n voetskilder
interpelleer – studiegroep tussen vriende
hipotesis – lywige werkstuk vir doktersgraad
esteties – snaakse S-vormige boesem
prostituseer – nagdame se boesem pyn
floep – buikwind so genoem in ordentlike geselskap
fomenteer – kots so genoem in ordentlike geselskap
fokaal – ‘n mens moet dit maar so doen anders sukkel mens
resentiment – Leon van Nierop se pepperminte
kategories – huisdier is nie wel nie
Baie snaaks!
Hier’s een (op die ou grappie gebaseer):
konsistorie – die verskonings van iemand wat jou te na gekom het.
Ek het so lekker gelag dat ek eintlik onvroulik gesnork het. Wat noem mens dit? LOL!
Solank jy nie tussenkaaks voel nie Leon!
Ek voel baiemaal fokaal 🙂
Jan kom in!! Helloooooo. Jan, het jy dalk gaan wegkruipertjie speel by Litnet???
Ja, ja ek is nog hier! Los my! Ek konsentreer op ‘n volgende pos!
Dankie tog daar is nie prentjies by nie 😉
Prentjies? JaaaAAA! Dankie vir die tip!
Ag ek en my groot bek.
oe julle is slimmmm! ek soek so ‘n taalwoordeboek!
Beperkte kopieë is nog beskikbaar!
Hasie Woordeboek:
Wat noem jy ‘n deurskynende hasie? Sp(h)asie!
Wat noem jy ‘n hasie in ‘n pyp? Blokhasie
Hasie in die tuimeldroër? Spinhasie
Wat noem jy ‘n hasie ini hospitaal? Operhasie!
en ‘n hasie ini spur? Inspirhasie!
en hasies wat paar? Vibrhasie!
wat noem mens ‘n hasie met GPS? Navighasie
Wat noem mens ‘n rugby hasie? Paashasie
‘n Hasie wat mond-tot-mond asemhaling toepas? Oksidhasie
‘n Walt Disney Hasie? Animhasie
‘n Vuvuzela Hasie? Gerhasie
Wat noem ‘n mens ‘n hasie op ‘n telefoon? Kommunikhasie
Wat noem ‘n mens ‘n losbandige hasie? ‘n Flirthasie
wat noem ‘n mens ‘n hasie wat preek? ‘n Kanselhasie!!!!
wat noem jy ‘n ryk hasie? Inflhasie!!
‘n Hasie wat boer? Plhasie…
Wat noem mens ‘n siek hasie? Inflamhasie
Wat noem jy ‘n hasie wat oorsee gaan?… Emigrhasie
Wat noem jy ‘n hasie met spuitpoep? Purghasie!
Iemand wat heeltyd hasie grappies vertel? Irrithasie
Behalwe as die rugby hasie Nhasie is, want Nhasie willie paas nie. En as hy getêkkel raak benodig hy ‘n medikhasie
Hasies wat paar?
Unifikasie
Ek het net kom inloer. Dis so stil hier. Is jy besig om nog woorde op te soek, of wat?
Hey, sommige van ons werk ook hoor!
Eish soveel groot woorde. Dit maak my kop seer.
Lobale kortsluiting is ‘n mooier term vir kopseer.
Ek het dadelik gedink om ‘n woordeboek by jou te koop. Maar ek weet nie of ek ooit daai woorde gaan gebruik nie. Wil jy nie een ontwerp vir amateur amateur afrikaners nie? dis nou vir outjies soos ek wat net gewone tale praat
Hy is JUIS geskryf vir die gewone mens wat wil leer fancy praat!
Laat my dink aan dié een:
Piet en Koos, ou skoolvriende, loop mekaar weer raak na twintig jaar.
“Haai, ou Piet, jy lyk goed man. Wat het jy gaan doen na skool?” vra Koos.
“Ek het tale gaan swot op Tukkies en het my honneurs gekry in Afrikaans. Daar ontmoet ek toe ook my vrou, wat gedigte en prosa skryf vir ‘n lewe. Sy het ‘n meestersgraad in letterkunde gekry voor ons eerste seun gekom het. My seun is ‘n konsertpianis in Amerika vir die Amerikaanse Philharmoniese orkes en my dogter is die hoofballerina in London se balletgeselskap. Julle moet een aand oorkom dan hou ons ‘n kultuur-aand!!”
“Wat van jou? Wat het jy met jou lewe gedoen Koos?”
“Nee,” sê Koos, “ek was mos al op skool ‘n bietjie bakleierig en het na skool maar ‘n bokser geword. Daar ook my vrou ontmoet, die dogter van ‘n boks promotor, en in daai tyd kon vrouens mos nie boks nie toe begin sy met karate en sy het haar swart belt gekry voor ons eerste kind daar was. Ons seun het laas maand sy SA kleure gekry in stoei en my dogter verteenwoordig ons land in Judo. Julle moet een aand oorkom dan moer ons mekaar ‘n bietjie!”
😆
Kultuurskok?
Dankie Jan.
Ek kan nie dink dat ek al ooit enige van die woorde van jou nodig gehad het nie , maar na jou besonderse poging , sal ek met trots al hierdie mooie grote woorde tussen my geleerde pelle gaan gebruik.
O demmit. Ek het nie geleerde pelle nie. Kan een van julle dalk vir my ‘n paar leen ?
As jy hierdie woordeboek toepas gaan jy vinnig geleerde vriende maak!
Bwahahaha – Ek het nou so lekker gelag… Isomorf – 😆 , shame – Ek dink dou of ek iemand ken wat esteties onder lede het.
..nou.. dammit
Demoerin, wat van die ene 😆
prostituseer – nagdame se boesem pyn
Stuur foto! Ek kort diagramme vir die woordeboek.
😆 nou lekker gelag! Gelukkig is eknog nie ‘n “Isomorf ” nie hahaha! my kiekie wys nog blou! maar as ek naar is en nie lekker voel nie dan word ek “isomorf” so lig groen! 😆
Ons hoop vir isomorf-vrye toekoms!
Nee jong, jy’s friggin’ holskeurend skerp!! 😆
Hier’s my humble bydrae:
Amateur – vloerbedekking bestuurder
Ha!
Postulaat – excellent!
Mits jy nie van die poswese praat nie, ja.