In ‘n ernstige gesprek met Marile Cloete word ek belas met die taak om antwoorde op ‘n tergende vraagstuk te lewer. “Wat soek mans in vrouens?”
Ek besef dat die antwoord afwisselend, diepliggend en oppervlakkig kan wees en dat deeglike navorsing eers gedoen moet word, ten einde ‘n bevredigende antwoord te verskaf. As deel van my navorsing het ek my gewend na die Wyshede van Salomo, die sketse van Michelangelo, die naam van Aristotelis self, die liedere van Jack Parrow en die persoonlike lewe van Steve Hofmeyr soos gedokumenteer in Die Huisgenoot. Eers nadat ek by die “Big Bang” gedraai het, het die lig vir my aangegaan.
Dit is dus met welgefundeerde navorsing en die uiterste selfvertroue dat Jan Twak trots kan publiseer, die lys van “Wat mans in vrouens soek”
WAT MANS IN VROUENS SOEK, DIE LYS
1) Net een ding
1) Net een ding alleen
gepaard met stilte en as die stilte dan moét gebreek word, herhalende komplimente oor daardie ding en alles en nog wat.
EINDE LYS
Jan se twak 
Dames, dit staan soos ‘n paal bo water, en julle weet dit nou nog nie? Dit kom al van die Bybel se dae af, vra vir Simson net om een te noem!!
Vriendelikheid, aandag en liefde.
Jis, julle is diepsinnig op hierdie gewyde blog!!
En hier bevestig jy wat ons al lankal vermoed – en al daai navorsing opgesom in een sinnetjie – geniaal!
Ek het altyd respek vir ‘n man wat so deeglik navorsing doen voordat hy sulke gewigtige vrae beantwoord, so ek sal jou weterskaplik bewese antwoord dus aanvaar. Net jammer ek moes grys word voordat iemand my ingelig het
Lees ek natuurlik toe “wat soek vrouens in mans” en is toe verstom toe ek by jou antwoord uitkom, veral nadat jy al jou bronne gelys het (ek bedoel, hoe kan die Huisgenoot verkeerd wees!?).
Toe ek nou eers weer gaan lees (ek blameer my 38 week swanger brein vir die glipsie), toe verstaan ek mooi.
Maankind slaan die spyker op die kop (no pun intended) – ja ja…
Marile….jy’t hiervoor gevra!
Ja Ja…
Jip, dis al wat ‘n man wil hoor! “Ja Ja…”
Maankind, lyk my jy is die enigste een wat die regte woorde gespreek het ! (alla Jan Twak) Jan wat wen Maankind? seker daardie dik boek wat Pikanese moes deur wroeg, om die regte persepsie te kry oor daai “eending” wat sy toe hier moes raaklees 😆 😆
En daar lees ek my blou aan Steve Harvey se Act like a Lady, think like a man net om die vinnige opsomming van sy twee boeke in twee sinne hier te kry. Maar helaas, ek kan uit eerstehandse (en frustrerende) ondervinding sê dis ongelukkig (of gelukkig afhangende van jou persepsie) nie waar vir alle mans nie ;-D!
Nee, daai dik boeke is net persepsies! Jy kon baie tyd gespaar het deur net hier te lees!
🙂
Nou hoe weet ek dan van TWEE dinge, niks minder nie?
Vertel Choppy, vertel. Miskien moet ek my navorsing aanpas?
Liefde en getrouheid.
Shhhtttt! Moenie vir almal vertel nie! Netnou dink hulle ons is softies!
😉
Jan ons sal dit saggies sê, …. Choppy is reg hoor! sonder daardie twee wat Choppy noem gaan daai eending beslis ook nie is nie. Julle SOFTIES!!!
Mans soek ook bewondering … hul ego’s kan nie daarsonder nie!
Ja Jan, ons almal weet daai mos nou al laaaaaaankal!! Die groot vraag is eintlik: Wat soek mans NIE in vrouens nie? 😆
Ek dink dis ‘n vraag wat eerder ongeantwoord moet bly 😆
BB. Ek dink die ander sinnetjie sê dit eintlik die “stilte wat nie verbreek moet word nie”, wil my voorkom hulle soek ‘n vrou wat min praat??? is ek reg Jan? Eish, so julle is alweer aan die verloor kant want vroue sal altyd baie praat. Dit loop so hand aan hand met die “eending” 😛
My liefie weer kan dit nie handle as ek stilbly nie Smurfi 😉 heng, hy gee nie eers om vir ‘n gil so dan en wan nie
Kyk nou net weer hier! Stilte asseblief! Ek het mos gesê dis ‘n gewyde blog hierdie!
BB, lyk my jy raak nou spesifiek hier en al die tyd dag ek dit is sommer in die algemeen 😳
Ek bedoel hy kan dit in die algemeen nie handle as ek stilbly nie Ann’tjie!! Somehow glo hy hy’s in die moeilikheid as ek té lank stilbly 😕
PS. 😛
Hahaha! Mans kan mos nie op meer as een ding op ‘n slag fokus nie!!!
Jan, dankie vir jou eerlikheid.
Baie waar, die fokus ding. Ek wens net meer vrouens wil dit besef, dan sal daar baie minder argumente wees.
Voor ek nog gelees het, het ek al klaar geDINK wat dit kan wees…. maar nou is ek nie seker nie…. WAT is daardie een ding?????
Toemaar! Moet maar eerder nie sê nie!!! Spaar ons dit!!
Gmf, en daar was ek gereed met papier en vetkryt om vir jou prenkies te teken.
Whahahaha!! Demoerin teken asb. toe !! ek is blond en verstaan net die prentjies 😆 😆
Briljant Jan !!!!
briljant!
Ag ek het maar net goeie bronne gehad.
😉
Hoe maak ‘n mens ‘n gesiggie van iemand wat histeries lag? :D?
Well done, Jan! Jou navorsing word as wetenskaplik, goed gefundeerd, ewewigtig, geldig en volkome onpartydig aanvaar.
Dankie, maar ek moet darem sê my beskikbare bronne was goed.
😉